Bakı. Aynur Əliyeva - APA-Economics. Bakı-Böyük Kəsik istiqamətində 317 km dəmir yolunun əsaslı təmiri davam edir. Bu gün yolun Puta stansiyasının tək və cüt baş yollarının (2150 m) əsaslı təmirinə başlanılıb.
«Azərbaycan Dəmir Yolları» QSC-nin Mətbuat Katibliyinin rəisi Nadir Əzməmmədovun «APA-Economics»ə verdiyi məlumata görə, səhər tezdən start götürən təmir işləri dörd gün davam edəcək.
Qeyd edək ki, əsaslı təmir işlərini «Dəmiryolservis» MMC-nin müəssisələri həyata keçirir. Bu günə kimi 289 km yol əsaslı təmir olunub, bunun da 230 km-nin 800 metrlik uzunölçülü relslərlə (pletlərlə) əvəzlənməsi başa çatıb.
QSC-nin İnfrastruktur Departamenti tərəfindən Bakı-Böyük Kəsik istiqamətində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Yolların əsaslı təmiri prosesini Çexiya «Eximbank»ının nəzarət qrupu müşahidə edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
