Ucar. Zahid Abışov – APA. Ucarda bir nəfərin xəsarət alması ilə nəticələnən yol qəzası baş verib. APA-nın yerli bürosunun məlumatına görə, hadisə bu gün axşam saat 17:30 radələrində Ucar rayonu ərazisindəki körpünün üzərində qeydə alınıb.
61-BE-707 dövlət nömrə nişanlı “Mercedes” markalı minik maşını Ucar rayon sakini Səlimov Fuad Əlyar oğlunun idarə etdiyi 23-BH-031 dövlət nömrə nişanlı KamAZ-a çırpılıb. Hadisə şahidlərinin sözlərinə görə, “Mercedes”in sürücüsü ağır bədən xəsarətləri alıb və yaxınlarının köməkliyi ilə hadisə yerindən uzaqlaşdırılıb.
Yaralının hansı xəstəxanaya aparıldığı məlum deyil.
Ucar rayon Polis şöbəsindən APA-nın yerli bürosuna verilən məlumata görə, hadisə yerindən uzaqlaşdırılan sürücünün şəxsiyyətinin müəyyənləşdirilməsi istiqamətində işlər aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
