Lənkəran. Ağəddin Babayev-APA. Lənkəran Şəhər-Rayon Polis Şöbəsində (ŞRPŞ) rayon məhkəməsinin qərarına əsasən müsadirə olunmuş narkotik vasitələrin məhvetmə kampaniyası keçirilib. APA-nın cənub bürosunun məlumatına görə, Lənkəran Şəhər İcra Hakimiyyəti yanında yaradılmış komissiya üzvlərinin iştirakı ilə Lənkəran icra şöbəsinin icraatında olan 79 icra sənədi üzrə müxtəlif çəkidə, 5 növdə narkotik vasitə yandırılaraq məhv edilib.
Yandırılma prosesi zamanı əsasən rayon məhkəməsinin cari il ərzindəki icra qərarlarına əsasən müsadirə olunmuş narkotik maddələr dövriyyədən çıxarılıb.
Tədbirdə rayonun hüquq-mühafizə orqanlarının nümayəndələri və kütləvi informasiya vasitələrinin əməkdaşları iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
