Bakı-APA. ABŞ hərbi komandanlığı Gürcüstana təlimlərdə iştirak etmək üçün 14 "Bredli" piyadaların döyüş maşını və digər ağır texnika göndərib.
APA-nın Gürcüstan mətbuatına istinadən verdiyi məlumata görə, Gürcüstan-ABŞ “Noble Partner” adlı təlimləri hərbi aerodromda və Tiflisin yaxınlığındakı Vaziani poliqonunda keçiriləcək.
Mayın 11-də başlayacaq təlimlərdə təxminən 600 ABŞ və gürcü hərbçisinin iştirak edəcəyi gözlənilir.
“Təlimlərin məqsədi NATO-nun gələcək əməliyyatlarında iştiraka hazırlığın artırılmasıdır”, deyə Gürcüstan müdafiə nazirliyindən bildiriblər.