Bakı-APA. Nyu Yorkun Con Kennedi aeroportunda tapança ilə silahlanmış peşəkar boksçu Robert Qerrero təyyarəyə silah keçirmək cəhdinə görə həbs olunub.
APA-nın “İTAR-TASS”a istinadən verdiyi xəbərə görə, dünya çempionu tituluna 30 yaşlı namizəd Las Veqas şəhərinə təyyarə ilə getmək niyyətində olub. İdmançıya qarşı qanunsuz silah saxlanma ittihamı irəli sürülüb.
Qeyd edək ki, mayın 4-də Las Veqasda Robert Qerrero və Floyd Meyuezer arasında WBC versiyası üzrə görüş nəzərdə tutulub.