Sosial

Ana səhifə

Sosial

Azərbaycanda rəsmi işsiz statusuna malik olan şəxslərin sayı 44,7 mini ötüb

20 noyabr 2008 12:26 (UTC +04:00)

Bakı. Nicat Mustafayev – APA-Economics. Azərbaycanda iqtisadi fəal əhalinin sayı 2008-ci ilin noyabr ayının 1-i vəziyyətinə 4 315,2 min nəfər olub ki, onlardan 4,049 mln. nəfərini məşğul əhali təşkil edib.
Dövlət Statistika Komitəsindən «APA-Economics»ə verilən məlumata görə, 2008-ci ilin yanvar-sentyabr aylarında müəssisə və təşkilatlarda muzdla çalışan işçilərin siyahı sayı 1 405,1 min nəfər olub, onların 888,6 min nəfəri iqtisadiyyatın dövlət bölməsində, 516,5 min nəfəri isə qeyri-dövlət bölməsində fəaliyyət göstərib.
İqtisadiyyatın dövlət bölməsinin istehsal sahəsində muzdla işləyənlərin 12,6%-i sənayedə, 3,4%-i tikintidə, 3,1%-i kənd təsərrüfatı, ovçuluq, meşə təsərrüfatı və balıqçılıq sahəsində məşğul olublar. Xidmət sahəsində isə muzdlu işçilərin 38%-i təhsildə, 15%-i səhiyyə və sosial xidmətlərin göstərilməsində, 9%-i nəqliyyat, anbar təsərrüfatı və rabitə, 8%-i digər kommunal, sosial və şəxsi xidmətlərin göstərilməsi, 5,3%-i daşınmaz əmlakla əlaqədar əməliyyatlar, icarə və istehlakçılara xidmət göstərilməsində, 4,6%-i dövlət idarəetməsi və müdafiə sahəsində, 0,7%-i topdan və pərakəndə ticarət, avtomobillərin, məişət məmulatlarının və şəxsi istifadə əşyalarının təmirində, 0,3%-i isə digər sahələrdə çalışıblar.
İqtisadiyyatın qeyri-dövlət bölməsinin istehsal sahəsində muzdla işləyənlərin 14,4%-i sənayedə, 8,6%-i tikintidə, 2,3%-i kənd təsərrüfatı, ovçuluq, meşə təsərrüfatı və balıqçılıq sahəsində, xidmət sahəsində isə 53,1%-i topdan və pərakəndə ticarət, avtomobillərin, məişət məmulatlarının və şəxsi istifadə əşyalarının təmirində, 4,9%-i daşınmaz əmlakla əlaqədar əməliyyatlar, icarə və istehlakçılara xidmət göstərilməsində, 3,3%-i maliyyə fəaliyyətində, 3,1%-i nəqliyyat, anbar təsərrüfatı və rabitə, mehmanxana və restoranlarla xidmətin göstərilməsi sahələrinin hər birində, 2,8%-i digər kommunal, sosial və şəxsi xidmətlərin göstərilməsində, 2,3%-i dövlət idarəetməsi və müdafiə sahəsində, 1,1%-i təhsildə və 1%-i səhiyyə və sosial xidmətlərin göstərilməsi sahəsində fəaliyyət göstəriblər.
Cari ilin yanvar-sentyabr aylarında müəssisə və təşkilatlarda 5 min nəfər əcnəbi iqtisadi əmək fəaliyyəti ilə məşğul olub. Əcnəbilərin 1,5 min nəfəri sənayedə, 1,4 min nəfəri tikintidə, 1 min nəfəri daşınmaz əmlakla əlaqədar əməliyyatlar, icarə və istehlakçılara xidmət göstərilməsi sahəsində 0,5 min nəfəri topdan və pərakəndə ticarət, avtomobillərin, məişət məmulatlarının və şəxsi istifadə əşyalarının təmiri sahəsində, 0,3 min nəfəri təhsildə, 0,3 min nəfəri isə digər sahələrdə işləyib.
Məşğulluq mərkəzlərinin məlumatına görə, 2008-ci il noyabr ayının 1-i vəziyyətinə ölkə üzrə rəsmi işsiz statusuna malik olan şəxslərin sayı 44 718 nəfər olub, onların da 47,2%-ni qadınlar təşkil edib. Bir boş iş yerinə tələbat işsiz statusuna malik olan 4 nəfər şəxsdən ibarət olub. İşsizliyə görə müavinətin orta məbləği 129,1 manat təşkil edib.