Sosial

Ana səhifə

Sosial

Dekabr ayında Azərbaycanın bəzi yerlərində havanın orta aylıq temperaturu iqlim normasından aşağı olacaq

01 dekabr 2008 12:36 (UTC +04:00)

Bakı. İlhamə İsabalayeva - APA. Azərbaycan ərazisində dekabr ayında havanın orta aylıq temperaturunun iqlim normasına yaxın, bəzi yerlərdə isə bir qədər normadan aşağı olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentdən APA-ya bildirib ki, aylıq yağıntının miqdarının iqlim normasına yaxın, bəzi rayonlarda isə normadan bir qədər çox olacağı ehtimalı var. Nisbətən soyuq hava şəraiti ayın əvvəlində və ortalarında ehtimal olunur.

Bakı və Abşeron yarımadasında havanın orta aylıq temperaturunun 6-7 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 3-5 dərəcə isti, bəzi günlərdən 0 dərəcəyə yaxın, gündüzlər 9-12 dərəcə isti olacaq, ayrı-ayrı günlərdə temperatur 4 dərəcəyə yaxın isti təşkil edəcək. Yağıntının aylıq miqdarı iqlim normasına yaxın (norma 24-34 mm) olacaq.

Naxçıvan Muxtar Respublikasında havanın orta aylıq temperaturunun 2 dərəcə şaxtadan 2 dərəcəyədək isti olacağı gözlənilir ki, bu da iqlim normasına yaxındır. Gecələr havanın temperaturu 2-5 dərəcə şaxta, ayrı-ayrı günlərdə 10-15 dərəcə şaxta müşahidə ediləcək. Gündüzlər 2-6 dərəcə isti olacaq. Yağıntının aylıq miqdarı iqlim normasına yaxın, bəzi yerlərdə isə (norma 14-35 mm) bir qədər çox olacağı proqnozlaşdırılır.

Yuxarı Qarabağ-Xankəndi, Kəlbəcər, Xocavənd, Zəngilan, Qubadlı, Şuşa, Xocalı, Laçın, Daşkəsən-Gədəbəydə havanın orta aylıq temperaturun mənfi 1 dərəcə şaxta, 1 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 0-5 dərəcə şaxta olacaq, ayrı-ayrı günlərdə isə şaxta 8-13 dərəcəyə çatacaq. Gündüzlər 1-6 dərəcə isti, bəzi günlərində 2-5 dərəcə şaxta gözlənilir. Yağıntının aylıq miqdarının iqlim normasına (norma 27-53 mm) yaxın olacaq.

Qazax-Gəncə, Tərtər, Ağdam-Füzuli-Cəbrayılda havanın orta aylıq temperaturunun 2-5 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 1 dərəcə şaxtadan 3 dərəcəyədək isti, ayrı-ayrı günlərdə 5-8 dərəcə şaxta olacaq. Gündüzlər 5-9 dərəcə isti olacaq, bəzi günlərdə temperatur 0 dərəcəyədək enəcək. Aylıq yağıntının miqdarı iqlim normasına yaxın (norma 13-16 mm) olacaq.

Balakən-Şəki-Zaqatala-Qəbələ, Şamaxı-İsmayıllı, Xızı, Siyəzən, Dəvəçi, Quba-Qusar-Xaçmazda havanın orta aylıq temperaturunun mənfi 2, müsbət 3 dərəcə isti olacağı gözlənilir ki, bu da iqlim normasına yaxındır. Havanın temperaturu gecələr mənfi 4 dərəcə şaxta, 1 dərəcə isti, ayrı-ayrı günlərdə isə 7-12 dərəcə şaxta olacaq. Gündüzlər temperaturun 2-7 dərəcə isti, bəzi yerlərdə 0-4 dərəcə şaxta olacağı gözlənilir. Yağıntının aylıq miqdarının iqlim normasına yaxın, bəzi yerlərdə isə (norma 24-28 mm) bir qədər çox olacağı proqnozlaşdırılır.

Mərkəzi Aran rayonlarında - Mingəçevir, Yevlax, Kürdəmir, İmişli, Əli-Bayramı, Sabirabad, Salyan, Neftçalada havanın orta aylıq temperaturunun 3-6 dərəcə isti olacağı gözlənilir ki, bu da iqlim normasına yaxındır. Havanın temperaturu gecələr 1-5 dərəcə isti, ayrı-ayrı günlərdə 0-4 dərəcə şaxta qeydə alınacaq. Gündüzlər temperatur 9-13, bəzi günlərdə 0-4 dərəcə şaxta olacaq. Yağıntının aylıq miqdarının iqlim normasına yaxın (norma 16-32 mm) olacağı gözlənilir.

Masallı-Lənkəran-Astara-Lerik Yardımlıda havanın orta aylıq temperaturunun 5-8 dərəcə isti olacağı gözlənilir ki, bu da iqlim normasına yaxındır. Havanın temperaturu gecələr 1-4 dərəcə isti, ayrı-ayrı günlərdə 0-2 dərəcə olacaq. Gündüzlər temperatur 9-12, dərəcə isti, bəzi günlərdə 0-4 dərəcə isti gözlənilir. Yağıntının aylıq miqdarının iqlim normasına yaxın (norma 58-106 mm), bəzi yerlərdə bir qədər çox olacağı gözlənilir.

Azərbaycan_hava