Sosial

Ana səhifə

Sosial

Azərbaycanın rayonlarında yağış yağacaq, dolu düşəcək

04 iyun 2009 10:02 (UTC +04:00)

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, cənub-qərb küləyi əsəcək, arabir nisbətən güclənəcək. Havanın temperaturu gündüz 27-29 dərəcə, axşam 18-20 dərəcə isti olacaq.

İyunun 5-də də hava dəyişkən buludlu, əsasən, yağmursuz olacaq, cənub-qərb küləyi əsəcək, axşam şimal-qərb küləyinə keçəcək. Havanın temperaturunun gecə 16-19 dərəcə, gündüz 26-30 dərəcə isti olacağı ehtimal olunur. İyunun 6-da isə havanın dəyişkən buludlu, əsasən, yağmursuz olacağı, axşam buludluluğun artacağı, gecəyə doğru yarımadanın bəzi yerlərində qısamüddətli az yağış yağacağı ehtimalı var. Şimal-qərb küləyi əsəcək, səhər və gündüz arabir güclənəcək. Havanın temperaturu gecə 15-17, gündüz 22-25 dərəcə isti olacaq. İyunun 7-də havanın dəyişkən buludlu olacağı, arabir tutulacağı, gecə və axşam yarımadanın bəzi yerlərində qısamüddətli yağış yağacağı ehtimalı var. Şimal-qərb küləyi əsəcək, günün ikinci yarısında nisbətən mülayimləşəcək. Gecə 15-17, gündüz 21-24 dərəcə isti qeydə alınacaq.

Azərbaycanın rayonlarında iyunun 5-də hava, əsasən, yağmursuz olacaq, lakin axşam bəzi qərb rayonlarında şimşək çaxacağı, qısamüddətli yağış yağacağı ehtimal olunur. Qərb küləyi əsəcək, axşam arabir güclənəcək. Havanın temperaturu gecə 14-19, gündüz 28-33, dağlarda gecə 9-13, gündüz 18-23 dərəcə isti olacaq.

İyunun 6 və 7-də gecə və axşam saatlarında şimşək çaxacağı, yağış yağacağı gözlənilir. Bəzi yerlərdə dolu düşəcəyi, iyunun 7-də yağıntıların arabir intensiv olacağı ehtimalı var. Qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 12-17, gündüz 22-27, dağlarda gecə 8-11, gündüz 15-19 dərəcə isti olacaq.

hava