Bank Of Baku

Azərbaycanda hər 1 000 nəfərə düşən nikahların sayı ötən il azalıb

Azərbaycanda hər 1 000 nəfərə düşən nikahların sayı ötən il azalıb
# 27 yanvar 2010 09:57 (UTC +04:00)
Bakı. Nicat Mustafayev – APA-Economics. Ötən il ərzində Azərbaycanda 78,9 min nikah və 7,8 min boşanma halları qeydə alınıb.

Dövlət Statistika Komitəsindən «APA-Economics»ə verilən məlumata görə, 2008-ci illə müqayisədə əhalinin hər 1 000 nəfərinə hesabı ilə nikahların sayı 9,2-dən 8,9-a qədər azalıb, boşanmaların sayı isə eyni səviyyədə qalıb.

Birinci nikaha daxil olanların orta yaş həddi kişilər arasında 27, qadınlar arasında isə 23 yaş təşkil edib.

Bundan başqa, 2009-cu il ərzində Azərbaycanda 152,2 min və ya əhalinin hər 1 000 nəfərinə 17,3 körpə doğulub. Doğulanların 54,1%-i oğlanlar, 45,9%-i isə qızlardır. Körpələrin 1 710-u əkiz, 33-ü isə üçəmdir. Ötən il doğulan uşaqlara ən çox verilən oğlan adları Əli, Məhəmməd, Hüseyn, Murad, Nihad və Kənan, qız adları isə Fatimə, Zəhra, Fidan, Nuray, Nərmin və Aysu olub.

Orta hesabla bir qadına bütün ömrü boyu 2,3 doğulmuş uşaq düşür.

Bununla yanaşı, ötən il ölkədə 52 min ölüm halı qeydə alınıb ki, 2008-ci illə müqayisədə əhalinin hər 1 000 nəfərinə hesabı ilə ölənlərin sayı 6-dan 5,9-a qədər azalıb.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR