Sosial

Ana səhifə

Sosial

ABŞ Dövlət Departamenti ANAMA-nın layihələrinin icrasına 1,2 milyon dollar vəsait ayırıb

12 fevral 2010 20:54 (UTC +04:00)

Bakı-APA. ABŞ Dövlət Departamentinin Hərbi-Siyasi Məsələlər və Hərbi Sursatların Köçürülməsi və Azaldılması Şöbələri Azərbaycanın Ərazilərin Minalardan Təmizlənməsi Üzrə Milli Agentliyinin (ANAMA) həyata keçirəcəyi layihələrin icrasına maliyyə vəsaiti ayırır.

APA-nın məlumatına görə, “Minaların zərərsizləşdirilməsi üzrə humanitar əməliyyatın çevik fövqəladə komandasi”, “Qaradağ rayonunun Güzdək qəsəbəsinin ərazisini partlamamış mərmilərdən təmizlənməsi” və “Mina və partlamamış mərmilərdən zərər çəkmiş insanlara yardım” layihələrinin icrasına ümumilikdə 1.2 milyon dollar məbləğində qrant ayrılıb.

“Minaların zərərsizləşdirilməsi üzrə humanitar əməliyyatın çevik fövqəladə komandası” layihəsinin maliyyələşdirilməsi üçün qoyulan şərtlərdən biri Çevik Fövqəladə Komanda (ŞFK) tərəfindən Azərbaycanın mina təsiri altında olan bölgələrində yaşayan yerli əhalinin təhlükəsiz mühitdə yaşamasının təmin edilməsi, habelə həmin ərazilərin məcburi köçkünlərin qayıdışı üçün yararlı vəziyyətə gətirilməsi məqsədilə onların əməliyyatlara cəlb olunması təmin olunsun.

Bu layihənin əsas məqsədi mina təsiri altında olan Azərbaycan bölgələrində torpaqların məhdudiyyətsiz olaraq yenidənqurma və iqtisadi inkişaf üçün istifadə olunmasına nail olmaqdır.

“Qaradağ rayonunun Güzdək qəsəbəsində olan partlamamış mərmilər ” layihəsi partlamamış mərmilərin yoxlanılmasını, daşınmasını və məhv edilməsini əhatə edir. Ümumilikdə bu layihə yararsız vəziyyətə düşmüş 370.000 kv/m ərazinin təmizlənməsini nəzərdə tutur. Bu layihənin büdcəsinə Azərbaycan hökumətinin verdiyi dəstək 37%, ABŞ hökumətinin dəstəyi isə 63% təşkil edir.

“Mina və Partlamamış Sursatlardan zərər çəkmiş insanlara yardım” layihəsi – Bu layihənin xüsusi məqsədi, 2004-cü ildən etibarən Ölkə üzrə mina və partlamamış mərmilərdən zərər çəkmiş insanları müəyyən etmək və onların tibbi müalicəsinin və sağlamlığının bərpa olunmasıdır.

Bu layihə çərçivəsində mina və partlamamış sursatlardan zərər çəkmiş təxminən 140 insana diaqnostika, müalicə və sağlamlığının bərpa olunması üzrə xidmət göstərilməsi nəzərdə tutur. Bu layihənin büdcəsinin 20%-i Azərbaycan hökumətinin, 80%-i isə ABŞ hökumətinin payına düşür.