Sosial

Ana səhifə

Sosial

Bu ilin ilk iki ayı ərzində Azərbaycanda istehsalatda 29 bədbəxt hadisə baş verib

11 mart 2010 11:58 (UTC +04:00)

Bakı. Aynur Vəliyeva - APA-Economics. Dövlət Əmək Müfəttişliyi 2010-cu ilin yanvar- fevral ayları üzrə fəaliyyətinin əsas göstəricilərini açıqlayıb.

“APA-Economics”in məlumatına görə, DƏM-in rəhbəri Nəbi Şükürlü jurnalistlərə bildirib ki, son iki ay ərzində Azərbaycanda istehsalatda 29 bədbəxt hadisə baş verib, bunlardan 7-si tikinti sahəsində olub.

Baş vermiş 1 bədbəxt hadisə qrup halında olub. Zərərçəkmişlərdən 10 nəfər ölüb, onların tam yarısı (5 nəfər) tikinti sektorunda həyatlarını itirib. Bu müddət ərzində 21 nəfər xəsarət alıb, o cümlədən 4 nəfər tikinti sahəsində çalışanlar olub. “İZ” aktı verilmiş zərərçəkmişlərin sayı 29 nəfər təşkil edib, onlardan 9 nəfəri tikinti sahəsində çalışıb.

Bədbəxt hadisənin baş verməsində təqsirkarlar müəyyən edilən zaman aydın olub ki, onların arasında 6 hadisə müəssisənin səhvi nəticəsində baş verib, bunlardan 3 tikinti müəssisəsidir. Bədbəxt hadisənin zərərçəkənin təqsirindən 15 qəza baş verib, bunlardan 2-si tikinti müəssisəsi işçisidir, hər iki tərəfin ucbatından 4 bədbəxt hadisə baş verib və onlardan 2-si tikinti sahəsində qeydə alınıb. Kənar təsir nəticəsində 4 bədbəxt hadisə baş verib.

Yuxarıda qeyd edilən rəqəmlərə əsasən demək olar ki, tikinti sahəsi əmək təhlükəsizliyinin aşağı səviyyədə təmin olduğu sahədir.