Sosial

Ana səhifə

Sosial

Bakı Slavyan Universitetində «Milli təhlükəsizliyin təminatında gənclərin rolu» mövzusunda konfrans keçirilib - FOTO

Bakı Slavyan Universitetində «Milli təhlükəsizliyin təminatında gənclərin rolu» mövzusunda konfrans keçirilib - <font color=red>FOTO</font>

17 mart 2010 12:56 (UTC +04:00)

Bakı-APA. Bakı Slavyan Universitetində Azərbaycanın milli təhlükəsizlik orqanlarının yaranmasının 91-ci ildönümü ərəfəsində «Milli təhlükəsizliyin təminatında gənclərin rolu» mövzusunda konfrans keçirilib. MTN-in İctimaiyyətlə Əlaqələr Mərkəzindən APA-ya verilən məlumata görə, MTN əməkdaşlarının, Nəsimi rayon İcra Hakimiyyətinin rəhbərliyinin, Milli Məclisin deputatlarının, alim, professor-müəllim heyəti və tələbələrin iştirak etdikləri tədbiri BSU-nun rektoru, professor Kamal Abdulla açmışdır. Rektor MTN-in keçdiyi inkişaf yolundan danışıb.
K. Abdulla yubileylə bağlı milli təhlükəsizlik naziri Eldar Mahmudova təbrik məktubunu oxuyub.

Milli təhlükəsizlik nazirinin müavini, general-mayor Əli Şəfiyev Azərbaycanın təhlükəsizlik orqanlarının yaranma tarixi, inkişaf mərhələləri, dövlətçiliyin qorunmasındakı xidmətlərindən danışıb. Nazir müavini bildirib ki, yaradılmasını 1919-cu il martın 28-də Azərbaycan Xalq Cümhuriyyəti dövründən götürən təhlükəsizlik orqanları çətin, kəşməkəşli və eyni zamanda, şərəfli tarixi yol keçib. Heydər Əliyevin 25 ildən artıq Azərbaycan təhlükəsizlik orqanlarında çalışdığını və bu quruma rəhbərlik etdiyini vurğulayan nazir müavini, onun xüsusi xidmət orqanlarının formalaşmasında və inkişafındakı rolu barədə danışıb.

Daha sonra BSU-nun 3-cü kurs tələbəsi, prezident təqaüdçüsü Aytən Hüseynova, bu ali təhsil ocağının rus ədəbiyyatı və onun tədrisi metodikası kafedrasının müdiri Məmməd Qocayev xüsusi xidmət orqanlarının fəaliyyətinin Azərbaycan dövlətçiliyinin qorunmasına layiqi töhfələr verdiyini bildiriblər.

Tədbirin sonunda MTN-in fəaliyyətinə həsr olunan sənədli film nümayiş etdirilib.