Sosial

Ana səhifə

Sosial

Azərbaycanın bəzi rayonlarında leysan yağacaq

16 aprel 2010 09:31 (UTC +04:00)

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin APA-ya verdiyi məlumata görə, şimal-qərb küləyi əsəcək. Havanın temperaturu gündüz 15-18 dərəcə, axşam 9-12 dərəcə isti olacaq.

Aprelin 17-də havanın dəyişkən buludlu, əsasən yağmursuz keçəcəyi, gecə və səhər bəzi yerlərdə duman olacağı, şimal-qərb küləyinin gündüz cənub küləyi ilə əvəz olunacağı gözlənilir. Havanın temperaturu gecə 8-10 dərəcə, gündüz 15-18 dərəcə isti olacaq.

Aprelin 18-də hava dəyişkən buludlu, əsasən yağmursuz keçəcək, gecə və səhər bəzi yerlərdə duman olacaq. Axşam buludluluğun artacağı gözlənilir. Cənub-qərb küləyi günün ikinci yarısında şimal-qərb küləyi ilə əvəz olunacaq, axşama doğru arabir güclənəcək. Havanın temperaturu gecə 8-11 dərəcə, günün birinci yarısında 18-23 dərəcə, günün ikinci yarısında 13-15 dərəcə isti olacaq.

Aprelin 19-da buludlu hava şəraiti üstünlük təşkil edəcək. Yarımadanın bəzi yerlərində yağış yağacağı gözlənilir. Şimal-qərb küləyi əsəcək, yarımadanın bəzi yerlərində güclənəcək, axşam mülayimləşəcək. Havanın temperaturu gecə 8-10 dərəcə, gündüz 12-14 dərəcə isti olacaq.

Azərbaycanın rayonlarında aprelin 17-də hava əsasən yağmursuz keçəcək, gecə və səhər bəzi yerlərdə duman, çiskin olacaq. Şərq küləyi əsəcək. Havanın temperaturu gecə 8-12 dərəcə, gündüz 16-21 dərəcə, dağlarda gecə 2-6 dərəcə, gündüz 10-15 dərəcə isti olacaq.

Aprelin 18-19-da hava əsasən yağmursuz keçəcəyi, gecə və səhər bəzi yerlərdə duman, çiskin olacağı, lakin aprelin 18-də axşam bəzi yerlərdə, aprelin 19-da isə əksər rayonlarda şimşək çaxacağı, yağış yağacağı gözlənilir. Bəzi yerlərdə yağıntının leysan xarakterli olacağı ehtimalı var. Şərq küləyi aprelin 18-də gündüz qərb küləyi ilə əvəz olunacaq, ayrı-ayrı yerlərdə arabir güclənəcək. Havanın temperaturu gecə 7-11 dərəcə, gündüz 18-23 dərəcə, aprelin 19-da 15-18 dərəcə, dağlarda gecə 2-5 dərəcə, gündüz 11-16 dərəcə, aprelin 19-da 9-11 dərəcə isti olacaq.

hava