Sosial

Ana səhifə

Sosial

Səbail rayonunda ağacəkmə kampaniyası keçirilib

17 aprel 2010 14:47 (UTC +04:00)

Bakı. Ramil Məmmədli - APA. Səbail rayonunda “Ekologiya ili” çərçivəsində bir sıra tədbirlər həyata keçirilib.

Səbail rayon İcra Hakimiyyəti başçısı Aparatının ictimai təşkilatlar və siyasi partiyalarla iş şöbəsinin müdiri İsrafil Kərimovun APA-ya verdiyi məlumata görə, “Ekologiya ili” çərçivəsində RİH findən təsdiq olunmuş tədbirlər planına uyğun olaraq yaşıllıq işlərinin aparılması nəzərdə tutulan ərazilər müəyyənləşdirilib, ərazilər idarə, təşkilat və təhsil müəssisələri arasında bölünüb.

Səbail rayonunun idarə və təşkilatları, təsərrüfat xidmətləri, təhsil müəssisələrinin kollektivlərinin, rayon polis idarəsinin şəxsi heyətinin 1000 nəfərə yaxın nümayəndəsinin, o cümlədən millət vəkili Fuad Muradovun iştirak etdiyi növbəti iməcilik ilk növbədə sürüşməyə meylli ərazi olan Bayıl yamacını, həmçinin Bibiheybət və Badamdar qəsəbələrinin əsas magistral yolların kənarlarını, Şıx çimərlik zonasında yerləşən “Dostluq parkı”nı, Bayıl yaşayış sahəsindəki Sovet İttifaqı Qəhrəmanı Qafur Məmmədov adına parkın ərazisini əhatə edib.

Gün ərzində ərazidə 2500 ədəd Eldar şamı, kiparis, zeytun, şam və s. ağaclar əkilib, 3000 ağaca qulluq göstərilib.

Neftlə çirklənmiş Bibiheybət buxtasının torpaqlarının təmizlənməsi və burada pozulan ekoloji tarazlığın bərpası məqsədilə “Bibiheybətneft” NQÇİ-nin xidməti ərazisində də idarənin əməkdaşlarının iştirakı ilə növbəti iməcilik keçirilib və 650 ədəd ağac əkilib. övsüm ərzində Səbail rayonunda ərazinin yaşıllaşdırılması, yaşıllıqlara qulluq və abadlıqla bağlı işlərin davam etdirilməsi və cari il ərzində rayon ərazisində 38 000 yeni ağacın əkilməsi nəzərdə tutulub.

İ.Kərimov mövsüm ərzində Səbail rayonunda ərazinin yaşıllaşdırılması, yaşıllıqlara qulluq və abadlıqla bağlı işlərin davam etdiriləcəyini də deyib.