Sosial

Ana səhifə

Sosial

Gürcüstanda Heydər Əliyev Fondu tərəfindən təmir etdirilən orta məktəblərin açılışı olub - FOTO

Gürcüstanda Heydər Əliyev Fondu tərəfindən təmir etdirilən orta məktəblərin açılışı olub - <font color=red>FOTO</font>

23 sentyabr 2010 11:31 (UTC +04:00)

Tiflis. Nizami Məmmədzadə - APA. Bu gün Azərbaycanın təhsil naziri Misir Mərdanov Gürcüstana səfərə gəlib. APA-nın Gürcüstan bürosunun məlumatına görə, nazir və digər rəsmi şəxslər Tiflisdə Heydər Əliyevin büstünü ziyarət ediblər. M. Mərdanov Gürcüstanın elm və təhsil naziri Dmitri Şaşkinlə birlikdə Tiflisdəki M. F. Axundov adına 73 saylı Azərbaycan orta məktəbinin təmirdən sonra açılışında iştirak ediblər.

Daha sonra M. Mərdanov Qardabani rayonunda Heydər Əliyev Fondu tərəfindən əsaslı təmir etdirilən 3 saylı Azərbaycan orta məktəbinin açılışına qatılıb. Açılış mərasimində Gürcüstanın elm və təhsil naziri Dmitri Şaşkin, Kvemo-Kartli bölgə qubernatoru David Kirkitadze və Heydər Əliyev Fondunun icraçı direktoru Anar Ələkbərov çıxış ediblər. Hər iki nazir və qonaqlar məktəbə baxış keçiriblər.

Misir Mərdanov jurnalistlərə açıqlamasında bu gün Gürcüstanda Heydər Əliyev Fondunun dəstəyi ilə üç məktəbin açılışında iştirak etdiyini bildirib.
O, daha bir məktəb açılışının Dmanisidə keçiriləcəyini deyib: “Orada da Heydər Əliyev Fondunun dəstəyi ilə 2 saylı Azərbaycan beynəlmiləl məktəbi təmirdən sonra istifadəyə veriləcək. Mən bütün bunlara görə, Heydər Əliyev Fonduna və onun prezidenti, millət vəkili Mehriban Əliyevaya təşəkkürümü bildirirəm”.

Gürcüstanın elm və təhsil naziri Dmitri Şaşkin də Heydər Əliyev Fondunun rəhbərliyinə məktəblərin keyfiyyətli təmiri üçün təşəkkürünü bildirib: “Bu gözəl hədiyyədir. İndi isə uşaqlar yaxşı oxumalıdırlar”.

Qeyd edək ki, Dmanisidə də 2 saylı Azərbaycan beynəlmiləl orta məktəbinin açılışı olub. Tədbirdə Azərbaycan və Gürcüstan təhsil nazirləri, Kvemo-Kartli bölgə qubernatoru David Kirkitadze, Heydər Əliyev Fondunun icraçı direktoru Anar Ələkbərov, Gürcüstan parlamentinin azərbaycanlı deputatları Azər Süleymanov və Ramin Bayramov və rayon rəhbərliyi iştirak edib.