Sosial

Ana səhifə

Sosial

Azərbaycan ərazisində havaların stabil keçəcəyi proqnozlaşdırılır

29 sentyabr 2010 09:39 (UTC +04:00)

Bakı. İlhamə İsabalayeva-APA. Sentyabrın 29-da Bakı və Abşeron yarımadasında hava dəyişkən buludlu, əsasən yağmursuz keçəcək. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya bildirib ki, cənub küləyi əsəcək. Havanın temperaturu gündüz 26-29, axşam 20-22 dərəcə isti olacaq.

Sentyabrın 30-da hava az buludlu, yağmursuz keçəcək. Cənub, cənub-qərb küləyi əsəcək. Havanın temperaturu gecə 17-20, gündüz 27-30 dərəcə isti olacaq.

Oktyabrın 1-də hava dəyişkən buludlu, əsasən yağmursuz keçəcək. Gecə və səhər ayrı-ayrı yerlərdə duman proqnozlaşdırılır. Lakin axşama doğru buludluluğun artacağı gözlənilir. Cənub-qərb küləyi günün ikinci yarısında şimal küləyi ilə əvəz olunacaq, yarımadanın bəzi yerlərində güclənəcək. Havanın temperaturu gecə 17-20, günün birinci yarısında 27-31, axşam 23-25 dərəcə isti olacaq.

Oktyabrın 2-də havanın buludlu olacağı, gündüz havanın arabir açılacağı gözlənilir. Gecə və səhər yarımadanın bəzi yerlərində qısamüddətli az yağış yağacağı ehtimalı var. Şimal küləyi əsəcək, axşama doğru arabir güclənəcək. Havanın temperaturu gecə 16-19, gündüz 22-24 dərəcə isti olacaq.

Azərbaycanın rayonlarında sentyabrın 30-da hava əsasən yağmursuz keçəcək. Gecə və səhər bəzi yerlərdə duman olacaq. Cənub-qərb küləyi əsəcək, ayrı-ayrı yerlərdə arabir güclənəcək. Havanın temperaturu gecə 18-21, gündüz 27-32, dağlarda gecə 7-12, gündüz 20-25 dərəcə isti olacaq.

Oktyabrın 1-2-də hava əsasən yağmursuz, səhər bəzi yerlərdə duman olacaq. Lakin oktyabrın 1-də axşam, 2-də gecə və axşam bəzi yerlərdə şimşək çaxacağı, qısamüddətli yağış yağacağı gözlənilir. Qərb küləyi əsəcək, oktyabrın 1-də ayrı-ayrı yerlərdə arabir güclənəcək. Havanın temperaturu oktyabrın 1-də gecə 18-21, gündüz 28-33, oktyabrın 2-də rayonlarda gündüz 24-27, dağlarda gecə 7-12, gündüz 21-26, oktyabrın 2-də 16-21 dərəcə isti olacaq.