Sosial

Ana səhifə

Sosial

Azərbaycanın Dövlət Neft Fondunun 2010-cu il büdcəsində dəyişikliklər edilib

30 sentyabr 2010 17:54 (UTC +04:00)

APA-nın xəbərinə görə, sənəddə deyilir: Dövlət Neft Fondunun vəsaiti hesabına həyata keçirilən qaçqın və məcburi köçkünlərin sosial-məişət məsələləri və məskunlaşması ilə bağlı tədbirlərin, habelə Samur-Abşeron suvarma sisteminin yenidənqurulması ilə bağlı layihənin vaxtında icrasını təmin etmək məqsədilə qərara alıram:
1. Azərbaycan Respublikası Prezidentinin 2000-ci il 29 dekabr tarixli 434 nömrəli Fərmanı ilə təsdiq edilmiş “Azərbaycan Respublikasının Dövlət Neft Fondu haqqında Əsasnamə”yə və Azərbaycan Respublikası Prezidentinin 2001-ci il 12 sentyabr tarixli 579 nömrəli Fərmanı ilə təsdiq edilmiş “Azərbaycan Respublikası Dövlət Neft Fondunun illik gəlir və xərclər proqramının (büdcəsinin) tərtibi və icrası Qaydaları”nın 5.4.1-ci və 5.4.2-ci bəndlərinə uyğun olaraq, Azərbaycan Respublikası Dövlət Neft Fondunun İcraçı Direktorunun vəsatətini və Müşahidə Şurasının rəyini nəzərə alaraq, “Azərbaycan Respublikası Dövlət Neft Fondunun 2010-cu il büdcəsinin təsdiq edilməsi barədə” Azərbaycan Respublikası Prezidentinin 2009-cu il 25 dekabr tarixli 204 nömrəli Fərmanının (Azərbaycan Respublikasının Qanunvericilik Toplusu, 2009-cu il, № 12, maddə 992; Azərbaycan Respublikası Prezidentinin 2010-cu il 22 iyul tarixli 307 nömrəli Fərmanı) 3-cü bəndində verilmiş cədvəlin 1-ci sırasında “80 000,0” rəqəmləri “105 000,0” rəqəmləri ilə, 4-cü sırasında “110 000,0” rəqəmləri “131 000,0 ” rəqəmləri ilə, 5-ci sırasında “80 000,0” rəqəmləri “34 000,0” rəqəmləri ilə əvəz edilsin.
2. Azərbaycan Respublikası Dövlət Neft Fondunun icraçı direktoru bu Fərmandan irəli gələn məsələləri həll etsin”.