Sosial

Ana səhifə

Sosial

Azərbaycanın təhsil naziri: “İmkanlı valideynlər 11-ci siniflərdə oxuyan uşaqlarının məktəbə gəlməsinə əngəl törədirlər”

06 oktyabr 2010 14:24 (UTC +04:00)

APA-nın məlumatına görə, təhsil naziri Misir Mərdanov bildirib ki, 3 il əvvəl ali məktəblərin yeni siyahısı hazırlanaraq hökumət tərəfindən təsdiqlənib: “Amma bazarın tələbatına görə mütəxəssisin hazırlanması üçün ixtisasların proqramının məzmunu ilə məşğul olmaz lazımdır. Həm Təhsil Nazirliyi, həm də hər bir təhsil müəssisəsi maraqlı olmalıdır ki, onun buraxdığı mütəxəssis bazarın tələblərinə uyğun olsun”.

Repetitorluğa iki cür baxışının olduğunu deyən M. Mərdanov buna həm müsbət, həm də mənfi yanaşdığını söyləyib: “Ona görə müsbət yanaşıram ki, insanlar imkanları daxilində bilik və bacarıqlarını artırırlar. Ona görə mənfi yanaşıram ki, bu fəaliyyət məktəbin və dərsin hesabına olur. Əlbəttə, bu, çox qorxulu məqamdır. Orta məktəblərin son, daha çox 11-ci siniflərdə valideynlər, xüsusən imkanları valideynlər uşaqlarının məktəbə gəlməsinə əngəl törədirlər. Onlar çalışırlar ki, uşaqları repetitor yanına getsin. Əlbəttə, biz yaxşı başa düşürük ki, hər bir valideyn övladının ali məktəbə qəbul olunmasını istəyir. Amma bunu orta məktəbin vaxtı hesabına etmək düzgün deyil. Ən pis məqam isə odur ki, bir çox halda müəllimlər özləri şərait yaradırlar ki, uşaqlar repetitor yanına getsinlər. Bunun da obyektiv və subyektiv səbəbləri var”.

M. Mərdanov repetitor yanına getməyən uşaqların da ali məktəbə daxil ola bildiyini də söyləyib.

Misir_Mərdanov