Sosial

Ana səhifə

Sosial

“Ekologiya ili” çərçivəsində media nümayəndələri üçün Altıağac Milli Parkına ekskursiya təşkil olunub - FOTO

“Ekologiya ili” çərçivəsində media nümayəndələri üçün Altıağac Milli Parkına ekskursiya təşkil olunub - <font color=red>FOTO</font>

22 oktyabr 2010 14:18 (UTC +04:00)

Bakı-APA. Ekologiya və Təbii Sərvətlər Nazirliyinin (ETSN) “Ekologiya ili” çərçivəsində təşkil etdiyi növbəti press-tur Altıağac Milli Parkına olub. ETSN-in mətbuat xidmətindən APA-ya verilən məlumata görə, “2010 Ekologiya ili–Yaşıl dünya naminə” devizi altında təşkil olunmuş tədbir media nümayəndələrini Altıağac Milli Parkının flora və faunası, eləcə də Milli Parkın nəzdində fəaliyyət göstərən Vəhşi Təbiətin Bərpası Mərkəzi və Reabilitasiya Klinikası ilə tanış etmək məqsədi daşıyıb. Ölkənin 30-a yaxın aparıcı KİV nümayəndələrinin qatıldığı press-tur zamanı Altıağac Milli Parkının mühafizə işləri üzrə direktor müavini Paşa Məmmədov jurnalistlərə park haqqında geniş məlumat verdi və onları maraqlandıran sualları cavablandırıb.

Ərazisi 11035 hektar olan Milli Park 2004-cü ildə yaradılıb. Milli Parkın yaradılmasında əsas məqsəd Böyük Qafqazın cənub-şərq yamaclarının təbii landşaftlarının, flora və fauna növlərinin qorunub saxlanılması, bərpası, təbii komplekslərin mühafizəsinin gücləndirilməsi, ekoloji monitorinqin həyata keçirilməsi, eləcə də, tədqiqatlar, turizm və istirahət (rekreasiya) üçün şəraitin yaradılması və əhalinin ekoloji cəhətdən maarifləndirilməsinin təşkilidir.
Milli Parkın ərazisində qonur dağ-meşə, çürüntülü-karbonatlı dağ-meşə, qəhvəyi dağ-meşə, bozqırlaşmış dağ-çəmən və s. torpaq tipləri yayılıb. Ərazinin çox hissəsini meşələr əhatə edir. Bur
Altıağac Milli Parkının ərazisində məməlilərdən cüyür, qonur ayı, çöl donuzu, vaşaq, yenot, dovşan, tülkü, dələ, canavar, quşlardan qırqovul, alabaxta, bildirçin, çobanaldadan, çöl qartalı, kəklik, qaratoyuq kimi növlərə rast gəlinir.

Altıağac Milli Parkının nəzdində Vəhşi Təbiətin Bərpası Mərkəzi və Reabilitasiya Klinikası fəaliyyət göstərir.

Qeyd edək ki, Altıağac Milli Parkına press-tur Nazirliyin “Ekologiya ili” çərçivəsində həyata keçirdiyi kompleks tədbirlərin bir hissəsidir.