Sosial

Ana səhifə

Sosial

Misir Mərdanov: “Xalqımız danışmağı, yazmağı, oxumağı o qədər də sevmir”

15 dekabr 2010 11:30 (UTC +04:00)

Bakı. İlhamə İsabalayeva – APA. Azərbaycan Dillər Universitetində (ADU) Milli TEMPUS İnformasiya Gününə həsr olunan konfrans keçirilib. APA-nın məlumatına görə, ADU-nun rektoru Səməd Seyidov bildirib ki, təmsil etdiyi ali məktəbin “Azərbaycanda şifahi və yazılı tərcümənin tədrisi sahəsində islahatlar” layihəsi Avropa Birliyinin TEMPUS IV proqramı çərçivəsində elan etdiyi müsabiqədə qalib gəlib. Bu layihə Azərbaycandan olan universitetin Avropa Birliyi layihəsində ilk idarəçiliyi və Avropa universitetlərinin Azərbaycan tərəfindən ilk koordinasiyası olacaq.

Təhsil naziri Misir Mərdanov deyib ki, son 20 ildə Azərbaycan Avropa Birliyinin 22, Gürcüstan 31, Ermənistan isə 36 layihəsinin iştirakçısı olub: “Buna etiraz etmək asandır. Amma bu məsələdə əsas günahkar özümüzük. Bizim xalqın çoxsaylı müsbət cəhətləri var, amma biz danışmağı, yazmağı, oxumağı o qədər də sevmirik. Ermənistan, Gürcüstan həm əhali, həm ərazisi baxımından Azərbaycandan kiçikdir. Amma proqramların sayına görə onlar bizi üstələyiblər. Burada az da olsa, Avropa İttifaqının ikili standartları da rol oynayır”.

Avropa Komissiyasının Azərbaycandakı ofisinin rəhbəri, səfir Roland Kobia isə Azərbaycanın Avropa Birliyinin bir çox proqramlarında iştirak etdiyini xatırladıb: “Biz əlimizdəki imkanlardan daha çox istifadə etməyə çalışacağıq. Avropa Birliyi Azərbaycanın həm ali, həm də orta təhsil siyasətini dəstəkləyir. Hazırda daha çox ali təhsil sahəsinə diqqət yetirilir. Azərbaycanın müraciətinə əsasən Avropa Birliyi indi təhsil sahəsində daha çox iş görmək məsələsini nəzərdən keçirəcək”.

misir_mərdanov