Sosial

Ana səhifə

Sosial

Akademik Yəhya Məmmədova həsr olunmuş “Riyaziyyat və Mexanikanın aktual problemləri” adlı beynəlxalq konfransı keçirilib

27 dekabr 2010 11:37 (UTC +04:00)

Bakı. İlhamə İsabalayeva – APA. Bu gün Bakı Dövlət Universitetində (BDU) Azərbaycan Milli Elmlər Akademiyasının (AMEA) müxbir üzvü, dövlət mükafatı laureatı, BDU-nun sabiq rektoru Yəhya Məmmədovun anadan olmasının 80 illiyi münasibəti ilə “Yəhya Məmmədov auditoryası”nın açılış mərasimi keçirilib. APA-nın xəbərinə görə, universitetdə, həmçinin Y. Məmmədova həsr olunmuş “Riyaziyyat və Mexanikanın aktual problemləri” adlı beynəlxalq konfransın plenar iclası keçirilib. BDU-nun rektoru Abel Məhərrəmov bildirib ki, Y. Məmmədov 1966-cı ildə fizika-riyaziyyat elmlər doktoru, 1967-ci ildə professor, 1981-ci ildə Azərbaycanın əməkdar elm xadimi, 1983-cü ildə Azərbaycan EA-nın müxbir üzvü olub. 0, 1976-cı ildə Azərbaycan Dövlət mükafatı laureatı olub. 1965-2000-ci illərdə Azərbaycan Dövlət Universitetində “Hesablama riyaziyyatı” kafedrasının müdiri, 1971-1987-ci illərdə Azərbaycan (Bakı) Dövlət Universitetinin elmi işləri üzrə prorektoru, 1987-1989-cu illərdə Azərbaycan (Bakı) Dövlət Universitetinin rektoru işləyib.

Daha sonra mexanika-riyaziyyat fakültəsinin dekanı Nizaməddin İsgəndərov “Görkəmli xadim, ictimai xadim” mövzusunda məruzə ilə çıxış edib.

Konfransda tədbir iştirakçıları Y. Məmmədovla bağlı xatirələrini bölüşüblər.