Sosial

Ana səhifə

Sosial

Dövlət Torpaq və Xəritəçəkmə Komitəsi seminar-müşavirə keçirib

28 dekabr 2010 12:45 (UTC +04:00)

Bakı. Rəşad Süleymanov – APA. Azərbaycan Dövlət Torpaq və Xəritəçəkmə Komitəsi (DTXK) tərəfindən yeni qanunvericilik aktlarına uyğun olaraq torpaq sahələrində mərzçəkmə işlərinin aparılması ilə bağlı Quba şəhərində seminar-müşavirə keçirilib. Bu barədə APA-ya DTXK-nin mətbuat xidmətindən məlumat verilib. Müşavirədə ətraf rayonların icra hakimiyyətləri başçılarının müavinləri və bələdiyyə nümayəndələri iştirak edib.

Seminar-müşavirələrin keçirilməsində əsas məqsəd Azərbaycanda mövcud olan 4593 ərazi vahidinin, 1959 inzibati ərazi dairəsinin və 1718 bələdiyyənin sərhədlərində kompleks yer quruluşu qaydasında mərzçəkmə işləri aparılmaqla, onların sərhədlərinin əsas döngə nöqtələrinin koordinatlarının CPS alətləri vasitəsilə müəyyən edilməsinin qaydaları və Nazirlər Kabineti tərəfindən nümunəsi təsdiqlənmiş mərz nişanlarının yerə bərkidilməsi barədə təlimlərin keçirilməsindən ibarətdir.

Ümumiyyətlə mərzçəkmə işləri kompleks yerquruluşu işlərinə aid olmaqla Azərbaycan hüdudları daxilində yerləşən və torpaqların məqsədli təyinatı və hüquqi rejimindən asılı olmayaraq bütün torpaq sahələrində geodeziya istinad məntəqələrinə, dövlət torpaq kadastrı fondunun məlumatlarına və Azərbaycan Respublikasının rayonlarının inzibati sərhədlərinin 1:100 000 miqyaslı növbətçi xəritəsinə istinadən həyata keçirilir.