Sosial

Ana səhifə

Sosial

Bu il Dövlət Sosial Müdafiə Fondunun fərdi uçot sistemində qeydiyyata alınan əcnəbilərin sayı 13% artıb

25 iyul 2011 09:53 (UTC +04:00)

Bakı. Nicat Mustafayev - APA-Economics. Bu ilin ilk yarısında Azərbaycan Dövlət Sosial Müdafiə Fondunun (DSMF) fərdi uçot sistemində qeydiyyata alınan əcnəbilərin sayı 12,8% artıb.

Fondun İctimaiyyətlə əlaqələr sektorundan «APA-Economics»ə verilən məlumata görə, hesabat dövründə DSMF tərəfindən əlavə olaraq 1 297 nəfər əcnəbi vətəndaş qeydiyyata götürülüb. Nəticədə 2011-ci il iyulun 1-nə fərdi uçot sistemində qeydiyyatda olan əcnəbilərin sayı 11 409 nəfərə çatıb.

Ümumilikdə 92 ölkənin vətəndaşlarını əhatə edən fərdi uçot sistemində qeydiyyata alınan əcnəbilər arasında birinci yerdə Türkiyə (6 627 nəfər), ikinci yerdə Gürcüstan (1 420 nəfər), üçüncü yerdə Rusiya (597 nəfər) vətəndaşları qərarlaşıb. Sonrakı yerlərdə İran (378 nəfər), Hindistan (271 nəfər), Çin (232 nəfər), Böyük Britaniya (136 nəfər), Özbəkistan (131 nəfər), Pakistan (97 nəfər), Almaniya (91 nəfər), Ukrayna (90 nəfər), Malayziya (80 nəfər), Türkmənistan (72 nəfər), Qazaxıstan (66 nəfər), ABŞ (61 nəfər) və s. ölkələrin vətəndaşları qərarlaşıb.

Qeyd edək ki, 2006-cı ilin yanvarın 1-dən Azərbaycan mənbələrindən əmək ödənişi və məcburi dövlət sosial sığorta haqqına cəlb olunan digər gəlirləri əldə edən əcnəbilərin məcburi dövlət sosial sığortası ilə əhatə olunması prosesinə başlanılıb. Hazırda dövlət sosial sığorta sistemində fərdi uçotun daha da inkişafı üçün həyata keçirilən tədbirlərin istiqamətlərindən biri kimi Azərbaycan mənbələrindən əmək ödənişi və məcburi dövlət sosial sığortasına cəlb olunan digər gəlirləri əldə edən əcnəbilərin məcburi dövlət sosial sığortası ilə əhatə olunması davam etdirilməkdədir.