Sosial

Ana səhifə

Sosial

Bakıda Beynəlxalq Gənclər Forumu keçirilir - FOTOSESSİYA

Bakıda Beynəlxalq Gənclər Forumu keçirilir - <font color=red>FOTOSESSİYA</font>

27 sentyabr 2011 10:54 (UTC +04:00)

Bakı. Kəmalə Quliyeva – APA. Bakıda “Yeni nəsil: sərhədsiz məsuliyyət” adlı Beynəlxalq Gənclər Forumu keçirilir. APA-nın məlumatına görə, forumda azərbaycanlı gənclərlə yanaşı, Rusiya Federasiyasının Şimali Qafqaz regionunu təmsil edən ictimai fəal gənclər, tələbələr, aspirantlar, gənc alimlər və gənclərlə işləyən dövlət orqanlarının, qeyri-hökumət təşkilatlarının nümayəndələri iştirak edir.

Forumun açılışında çıxış edən Azərbaycan gənclər və idman nazirinin müavini İntiqam Babayev bildirib ki, tədbirdə mədəniyyətlərarası dialoq, gənclər səviyyəsində xalqlar, millətlər arasında dözümlülük, gənclərin mövcud konfliktlərin aradan qaldırılmasında rolu, gənclərlə iş sahəsində əməkdaşlığın genişləndirilməsi müzakirə ediləcək. İki gün davam edəcək forumun proqramına plenar iclaslar, seksiyalar üzrə iş, Azərbaycanın regionları ilə tanışlıq, yaradıcı gənclərin iştirakı ilə konsert də daxildir.

Azərbaycanın Rusiyadadkı səfiri Polad Bülbüloğlu isə çıxışında qeyd edib ki, vaxtilə bir ölkənin tərkibində olan köhnə nəslin nümayəndələri bir-birini yaxşı tanıyır, yeni nəsil isə bir-birini tanımır: “Cənubi Qafqazda müxtəlif hadisələr baş verir. Biz qonşuyuq. Ona görə də gənclərin bir-biri ilə belə təmaslar qurmasına ehtiyac var. İnanıram ki, belə forumlar ənənəvi olaraq keçiriləcək”.

Azərbaycan Prezident Administrasiyasının şöbə müdiri Elnur Aslanov isə bəyan edib ki, forumun əsas məqsədi Qafqazdakı problemlər və əldə olunana nailiyyətlərlə bağlı fikir mübadiləsi aparmaqdır: “Qafqazın bu gün yaşadığı siyasi, iqtisadi, ekoloji durum müzakirə ediləcək. Təbii ki, əsas məqsəd gənclər arasında müəyyən bağların, tellərin qurulmasıdır. 120 gəncin tədbirdə iştirakı gözəl ənənədir. Qafqaz gənclər forumunun ilk dəfə Azərbaycanda keçirilməsi Azərbaycanda fərqli dinlərin, fərqli millətlərin nümayəndələrinə olan tolerant münasibətin bariz nümunəsidir”.