Sosial

Ana səhifə

Sosial

“Müstəqillik dövründə tələbə qəbulu sisteminin inkişaf mərhələləri” mövzusunda elmi-praktik konfrans keçirilib

30 sentyabr 2011 14:18 (UTC +04:00)

Bakı. Kəmalə Quliyeva – APA. Tələbə Qəbulu üzrə Dövlət Komissiyasında (TQDK) Azərbaycanın dövlət müstəqilliyinin bərpasına həsr olunmuş “Müstəqillik dövründə tələbə qəbulu sisteminin inkişaf mərhələləri” mövzusunda elmi-praktik konfrans keçirilib. APA-nın məlumatına görə, konfransda çıxış edən TQDK sədri Məleykə Abbaszadə bildirib ki, dövlət müstəqilliyinin bərpasından keçən 20 il ərzində Azərbaycan çətin və şərəfli inkişaf yolu keçib.

Ölkədə geniş məktəb quruculuğunun həyata keçirildiyini söyləyən M. Abbaszadə deyib ki, təhsili sahəsi Azərbaycanda dövlətin əsas prioritetlərindən biridir: “TQDK Azərbaycanın müstəqilliyinin bərpasının ilk ilində yaradılıb. 1992-ci ildə prezidentin fərmanına əsasən TQDK yaradılanda aydın oldi ki, müstəqil Azərbaycan özünün milli təhsil sistemini qurmaq fikrindədir”.

TQDK sədri rəhbərlik etdiyi qurumun ötən illər ərzində üç inkişaf mərhələsindən keçdiyini vurğulayıb: “TQDK ilk dövlət qurumu idi ki, kütləvi prosesləri idarə etmək üçün informasiya texnologiyalarından istifadə etmişdi. 1993-98-ci illərdə imtahanların avtomatlaşdırılması sistemi yaradılmaqla bərabər, qəbul imtahanlarının məzmununun yaxşılaşdırılmasına və test bankının yaradılmasına başlanıldı”.

M. Abhbaszadə bildirib ki, hazırda rəhbərlik etdiyi qurum qəbul imtahanlarının obyektiv və ədalətli aparılması üçün bütün imkanlarından istifadə edir: “1992-ci ildən ötən dövr ərzində TQDK-da 2 milyon gənc haqqında məlumat toplanıb. Ötən il isə komissiyada tələbə-məzun elektron bazası yaradılıb. Tələbə kontingentinin inkişafı o bazada öz əksini tapıb”.

TQDK_Məleykə