Sosial

Ana səhifə

Sosial

Vakant dövlət qulluğu vəzifəsinin tutulması üçün təşkil olunan müsabiqənin müsahibə mərhələsi keçirilib

21 oktyabr 2011 10:15 (UTC +04:00)

Bakı-APA. Azərbaycan Respublikasının Prezidenti yanında Dövlət Qulluğu Məsələləri üzrə Komissiya tərəfindən 77 dövlət orqanı üzrə 740 vakant dövlət qulluğu vəzifəsinin tutulması üçün təşkil olunan müsabiqənin müsahibə mərhələsi keçirilib. Komissiyanın mətbuat xidmətindən APA-ya verilən məlumatda bildirilib ki, müsabiqədə iştirak etmək üçün komissiyada 4199 namizəd qeydə alınıb. Onlardan 1148 nəfəri (bütün namizədlərin 27.34%-i, test imtahanında iştirak edən 3384 namizədin 33.92%-i) qanunvericiliyə müvafiq olaraq müsabiqənin ilk mərhələsini uğurla başa vurub. Test mərhələsini uğurla başa vuran namizədlərdən
- 543 nəfəri 6 və ya 7-ci təsnifat inzibati vəzifələr üzrə keçid balını toplayıb;
- 310 nəfəri 8 və ya 9-cu təsnifat inzibati vəzifələr üzrə keçid balını toplayıb;
- 295 nəfəri 6 və ya 7-ci təsnifat inzibati vəzifələrə iddia etsə də, bu vəzifələr üzrə keçid balını toplamayıb, lakin 8 və ya 9-cu təsnifat inzibati vəzifələr üzrə keçid balını toplayıb.
Test imtahanının nəticələri test imtahanı başa çatdıqdan dərhal sonra namizədlərin nəzərinə çatdırılıb və komissiyanın rəsmi internet saytında da yerləşdirilib. Müsahibədə iştirak etmək hüququ olan 1148 namizəddən 978 nəfəri bu hüquqdan istifadə edib. Onlardan 92 nəfəri (9.41%) müsahibədə iştirak etməyib. Müsahibədə iştirak edən 886 namizəddən 320 (36.12%) nəfəri vakant vəzifələrə uyğun bilinib.

dövlət qulluğu