Sosial

Ana səhifə

Sosial

Heydər Əliyev Fondu və BMT İP Anlaşma Memorandumu imzalayır

21 oktyabr 2011 14:08 (UTC +04:00)

APA-nın məlumatına görə, bu bir illik layihə 2012-ci ildə Braziliyanın Rio-de Jeneyro şəhərində keçiriləcək Dayanıqlı İnkişaf üzrə BMT Konfransı üçün hazırlıq prosesində gənclərin iştirakını təşviq etmək və onların ölkədə dayanıqlı inkişaf məqsədlərinə nail olunması istiqamətində ortaya çıxan çatışmazlıqların aradan qaldırılmasına dair fikirlərinin nəzərə alınmasına şərait yaratmaq məqsədini daşıyır.

12 iyul 2011-ci ildə Heydər Əliyev Fondunun vitse-prezidenti Leyla Əliyeva tərəfindən elan edilən Ətraf mühit naminə Beynəlxalq Dialoq (İDEA) təşəbbüsü gənclərin dayanıqlı inkişaf üzrə qlobal hərəkata fəal qoşulması üçün platforma rolunu oynayacaq.

Tədbirdə Heydər Əliyev Fondunun vitse-prezidenti Leyla Əliyeva, BMT-nin Azərbaycandakı Rezident Əlaqələndiricisi və BMT İP-in Rezident Nümayəndəsi cənab Fikrət Akçura və Ekologiya və təbii sərvətlər naziri Hüseyn Bağırov çıxışı gözlənilir.

Açılış mərasimində ətraf mühiti qorumaq haqqında video film, və İDEA-nın internet səhifəsinin təqdimatı da keçiriləcək (www.ideacampaign.org).

Tədbirdə diplomatik korpus, hökumət, beynəlxalq təşkilat və mətbuatı təmsil edən 100-dən artıq qonağın iştirakı gözlənilir.

Heydər_Əliyev_Fond