Sosial

Ana səhifə

Sosial

Ötən il Azərbaycanda brokonyerliklə məşğul olan şəxslərə qarşı 76 966 manatlıq iddia və cərimə tətbiq edilib

31 yanvar 2012 07:53 (UTC +04:00)

İnzibati qaydada 153420 manat cərimə tətbiq edilib. Ekologiya və Təbii Sərvətlər nazirliyindən APA-ya verilən məlumata görə, ümumilikdə tətbiq edilmiş 232825,35 manat ziyan və cərimədən 92005,87 manat vəsait xüsusi mühafizə olunan təbiət ərazilərinin idarə edilməsi və mühafizəsi üçün yaradılan xüsusi fondlara ödənilib. Qanun pozuntuları ilə bağlı sənədləşdirilmiş 38 iş baxılılması üçün aidiyyəti üzrə hüquq-mühafizə orqanlarına (polis şöbələrinə), 104 iş aidiyyəti üzrə rayon məhkəmələrinə və məhkəmə icraçıları bölmələrinə göndərilib.

ETSN əməkdaşları tərəfindən ötən il ərzində ölkə ərazisində “Ovçuluq haqqında” qanunun tələblərinə əməl olunması vəziyyətinin araşdırılması və qanunsuz ov edilməsi hallarının qarşısının alınması məqsədilə mütəmadi reydlər keçirilib. Keçirilən reydlər zamanı xüsusi mühafizə olunan təbiət ərazilərində və ovçuluq təsərrüfatlarında brokonyerliklə məşğul olan şəxslərdən 83 ədəd ov silahı götürülüb, 80 şəxs barəsində akt və protokol tərtib edilərək 75800 manat məbləğində cərimə tətbiq edilib və 1166 manat iddia qaldırılıb. Cəmi tətbiq edilmiş 76966 manat iddia və cərimədən 24882,5 manat ödənilib, qalan məbləğin ödənilməsi üçün isə aidiyyəti üzrə rayon məhkəmə icraçıları bölmələrinə müraciət edilib. Şəxsiyyəti məlum olmayan 3 nəfər barəsində tərtib edilmiş sənədlər aidiyyəti üzrə rayon polis şöbələrinə göndərilib.

Brokonyer