Sosial

Ana səhifə

Sosial

Azərbaycanda istehlakçı hüquqlarının müdafiəsinə həsr olunmuş konfrans keçirilib - FOTO

Azərbaycanda istehlakçı hüquqlarının müdafiəsinə həsr olunmuş konfrans keçirilib - <font color=red>FOTO</font>

15 mart 2012 11:50 (UTC +04:00)

Bakı. Elnur Hüseynquluyev - APA-Economics. Bu gün Bakıda İqtisadi İnkişaf Nazirliyinin Antinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən 15 Mart - İstehlakçıların Hüquqlarının Müdafiəsi günü ilə əlaqədar “Azərbaycan dövlətinin istehlakçı siyasəti: Hər bir istehlakçının hüquqları təmin edilməlidir” mövzusunda konfrans keçirilib.

«APA-Economics»in məlumatına görə, tədbiri giriş sözü ilə açan Antinhisar Siyasəti və İstehlakçıların Hüquqlarının Müdafiəsi Dövlət Xidmətinin rəisi Zahid İsayev istehlakçı hüquqlarının qorunmasının dövlət iqtisadi siyasətinin prioritet istiqamətlərdən olduğunu bildirib.

Onun sözlərinə görə, 1995-ci ilin sentyabr ayında BMT-nin istehlakçı hüquqlarına dair prinsiplər əsasında Azərbaycanda «İstehlakçıların hüquqlarının müdafiəsi haqqında» qanun qəbul edilib və hazırda ölkədə istehlakçıların hüquqlarının təsbit edildiyi təkmil qanunvericilik bazası formalaşıb.

İstehlakçıların maarifləndirilməsi istiqamətində aparılan işlərdən danışan xidmət rəisi təkcə ötən il xidmət tərəfindən sahibkarlara və istehlakçılara 13 adda 160 min ədəd maarifləndirici bukletlər paylandığını qeyd edib.

Z.İsayev istehlakçıların hüquqlarının müdafiəsi sahəsində mövcud çatışmazlıqların aradan qaldırılması üçün istehlakçılar və sahibkarlar arasında maarifləndirmə işlərinin daha da genişləndirilməsinin vacibliyini qeyd edib.

Xidmətin rəis müavini Vidadi Quliyev isə ötən il istehlakçıların hüquqlarının pozulması və aparılan nəzarət tədbirləri barədə geniş təqdimatla çıxış edib.

Tədbirin sonunda iştirakçılara müxtəlif broşürlar və yaddaş kitabçaları paylanılıb.