“Artıq üzvlərin istəkləri və tələbləri nəzərə alınaraq müxtəlif təminatlı yollayışlar təşkil olunub".
APA xəbər verir ki, bu sözləri Kurort Turizm İnformasiya Mərkəzinin direktoru Emilya Səfərəliyeva Azərbaycan Həmkarlar İttifaqları Konfederasiyasının (AHİK) E-AHİK elektron rezervasiya sisteminin təqdimat tədbirində çıxışı zamanı deyib.
O bildirib ki, müraciət sayları kəskin formada artıb: “Əlçatanlılıq, ədalətlilik və növbəlilik prinsipi geniş yayılıb. Mərkəzimizdə yarı-elektron formada müraciətlər qəbul edilir. Artıq yeni platforma üzərindən müraciətlərin qəbulu tam təmin olunacaq".
"Vətən müharibəsi iştirakçıları və şəhid ailələri üzvləri müalicə üçün müraciət edirsə, sanator - kurort yollayışlarından ödənişsiz yararlana bilər. İstirahət üçün isə ümumi dəyərin 15%-i ödəməklə yararlana bilərlər", - E. Səfərəliyeva bildirib.
Direktor onu da vurğulayıb ki, bu gündən etibarən vətəndaşlar platformadan istifadə edə bilər: "Platformadan istifadə edə bilməyənlər telefon zəngi vasitəsilə müraciət edə bilər. Yollayışların 10%- i növbədənkənar olaraq Vətən müharibəsi iştirakçıları və şəhid ailələri üçünü ayrılıb".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
