Elm və Təhsil Nazirliyinin tabeliyində iki agentliyin may ayında yaradılmasını planlaşdırırıq.
APA xəbər verir ki, bunu elm və təhsil naziri Emin Əmrullayev media üçün brifinqdə deyib.
O bildirib ki, artıq işlərin böyük qismi geridə qalıb:
"Hüquqi normativlə bağlı müvafiq əsasnamələr hazırlanıb və müvafiq qurumlıara göndərilib. Bəzi dəyişikliklər elm və təhsil haqqında qanunlara dəyişiklik edilməsini tələb edir. Düşünürəm ki, bu, bir neçə ay davam edəcək. Ümumilikdə agentliklərin may ayında yaradılmasını planlaşdırırıq. Artıq növbəti tədris ilinin hazırlıqlarını Elm və Təhsil Nazirliyi yox, Agentliklər edəcək”.
Qeyd edək ki, Prezident İlham Əliyevin ötən ilin iyulunda imzaladığı fərmanla Elm və Təhsil Nazirliyinin tabeliyində Elm və Ali Təhsil üzrə Dövlət Agentliyi və Məktəbəqədər və Ümumi Təhsil üzrə Dövlət Agentliyi yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
