Azərbaycan Respublikasının Prezidenti İlham Əliyevin tapşırığına əsasən Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına qoşulmuş Fövqəladə Hallar Nazirliyinin (FHN) çevik xilasetmə qüvvələrinin bir hissəsi Bakıya qayıdıb.
APA xəbər verir ki, xilasediciləri gətirən təyyarə bu dəqiqələrdə Heydər Əliyev Beynəlxalq Hava Limanına eniş edib.
Hava limanında onları qarşılama mərasimində FHN-in Dövlət Yanğından Mühafizə Xidmətinin rəisi, general-mayor Füzuli Əsədov, Türkiyənin Azərbaycandakı səfiri Cahid Bağçı və digər rəsmi şəxslər iştirak edib.
Qeyd edək ki, Fövqəladə Hallar Nazirliyinin çevik xilasetmə qüvvələrinin ümumilikdə 760 nəfər əməkdaşı Türkiyənin zəlzələ bölgəsinə göndərilmişdi. Bu gün onlardan 236 nəfəri Vətənə qayıdıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
