Ermənilərin Vətən müharibəsi dövründə Gəncə və Bərdədə törətdiyi partlayışlardan sonra 100-dən çox uşaq psixoloji sarsıntı keçirmişdi.
APA xəbər verir ki, bunu bu gün keçirilən mətbuat konfransında FHN-nin Tibb mərkəzinin rəisi Xanım Sofiyeva deyib.
O bildirib ki, həmin uşaqlara türkiyəli mütəxəssislər və FHN-in psixoloqları yardım göstərib: "Həmin uşaqlarda güclü qorxu yaranmışdı. Anonimlik qorunmaqla, həmin uşaqlara yardım göstərilib və seanslar keçirilib".
Xanım Sofiyeva türkiyəli psixoloqlara təşəkkür edib: "Biz 7 ay ərzində gördük ki, türkiyəli qardaşlarımız bizim problemlərə öz dərdləri, problemləri kimi yanaşıb vətəndaşlarımıza yardım etdilər. Dəfələrlə büruzə verməməyə çalışsalar da, necə sarsıldıqlarını gördük".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
