İnsan alveri və məcburi əmək qurbanlarının müəyyənləşdirilməsi, istismar hallarına yol verən şəxslər haqqında müvafiq məsuliyyət tədbirlərinin görülməsi məqsədilə xüsusi polis qurumu tərəfindən 2024-cü ildə həyata keçirilmiş əməliyyat-axtarış tədbirləri ilə 161 (2023-cü illə müqayisədə 2 fakt çox) insan alveri və 1 (2023-cü illə müqayisədə 2 fakt az) məcburi əmək faktı, həmçinin insan alveri məqsədilə sənədlərlə qanunsuz hərəkətlərlə əlaqədar 44 (sabit) cinayət aşkarlanıb.
APA-nın xəbərinə görə, bu, Milli Məclisin İnsan hüquqları, Hüquq siyasəti və dövlət quruculuğu komitələrinin bu gün birgə iclasında müzakirəyə çıxarılan “İnsan alverinə qarşı mübarizə üzrə Milli Koordinatorun illik məlumatı”nda (2024-cü il) əksini tapıb.
Qeyd edilib ki, həmin faktlar üzrə 15 (2023-cü illə müqayisədə 1 cinayət işi az) cinayət işi başlanılaraq 16 şəxs (2023-cü illə müqayisədə 2 nəfər az; 13 qadın, 3 kişi) təqsirləndirilən qismində cəlb edilib. Ümumilikdə 13 (2023-cü illə müqayisədə 2 cinayət işi çox) cinayət işinin (6-ı ötən illərin) istintaqı tamamlanıb 14 nəfər (sabit; 11-i qadın, 3-ü kişi) məhkəmə məsuliyyətinə veriib, insan alverçilərinin 11-i (2023-cü illə müqayisədə 1 nəfər çox) haqqında ittihamedici hökmlər çıxarılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
