Ölkə başçısının müvafiq tapşırıq və tövsiyələrinə uyğun olaraq Gəncədə şəhər rəhbərliyi tərəfindən sakinlərlə mütəmadi görüşlər təşkil olunur, onların şikayət və təklifləri dinlənilir.
Gəncə Şəhər İcra Hakimiyyətinin başçısı Niyazi Bayramov növbəti dəfə vətəndaşlarla görüşüb, onları narahat edən məsələlərlə maraqlanıb.
İH-dən APA-ya verilən məlumata görə, görüşdə YAP Gəncə şəhər təşkilatının sədri, bələdiyyə sədrləri, idarə, müəssisə və təşkilat rəhbərləri iştirak ediblər.
“Açıq mikrofon” şəraitində keçən görüşdə iştirak edən vətəndaşların şikayət və təklifləri tək-tək dinlənilib. Müraciətlər arasında maddi yardımın göstərilməsi, fərdi yaşayış evinin təmiri, müalicə üçün göndərişin verilməsi, işlə təminat və digər məsələlər üstünlük təşkil edib.
Səsləndirilən problemlərin bir çoxu yerindəcə öz həllini tapıb, digərlərinin araşdırılaraq qanuna müvafiq qaydada həlli istiqamətində müəyyən tapşırıqlar verilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
