“Layihədə “Əvvəllər məhkumluğu olan” ifadəsi “hazırda məhkumluğu olan şəxs” kimi dəyişdirilir. Bu, çox yerinə düşən dəyişiklikdir, biz bunu təklif etmişdik”.
APA-nın xəbərinə görə, bunu bu gün Milli Məclisdə “Azərbaycan Respublikasının İnsan hüquqları üzrə müvəkkili (ombudsman) haqqında” Azərbaycan Respublikasının Konstitusiya Qanununda dəyişiklik edilməsi barədə” qanun layihəsinin müzakirəsi zamanı Milli Məclisin Hüquq siyasəti və dövlət quruculuğu komitəsinin sədri müavini Qüdrət Həsənquliyev bildirib.
Deputat deyib ki, Milli Preventiv Qrupun fəaliyyətinə mane olmağa görə cinayət məsuliyyəti də nəzərdə tutulmalıdır.
Qüdrət Həsənqulyev Ombudsmanın hesabatında bir uşağın bağça ilə bağlı probleminin yer almasını təqdir edib: “Çünki uşaqlar üçün hər şey bağçadan başlayır. Ombudsmanın bu məsələlərə diqqət etməsi də çox yerində addımdır”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
