Bakı. Kəmalə Quliyeva - APA. “Bir neçə gündür ki, Azərbaycan paytaxtında cənub-qərb küləkləri üstünlük təşkil edir. Bunun nəticəsində hazırda Bakıda havanın temperaturu iqlim normasından 2 dərəcə yüksəkdir”.
Bunu APA-ya Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gürşad Məmmədova deyib. Onun sözlərinə görə, yaxın 2-3 gün ərzində ölkə ərazisində hava şəraitində mühüm dəyişiklik gözlənilmir. Belə ki, Bakı və Abşeron yarımadasında mülayim cənub-qərb küləyi əsəcək, yanvarın 6-da şimal küləyi ilə əvəz olunacaq. Havanın temperaturu isə yaxın 2-3 gün ərzində günorta saatlarında paytaxtda 7-12 dərəcə isti təşkil edəcək.
Azərbaycanın rayonlarında da yaxın 2-3 gün ərzində hava şəraiti yağmursuz keçəcək, mülayim qərb küləyi arabir güclənəcək. Havanın temperaturu Mərkəzi Aran rayonlarında gecə 4 dərəcə şaxtadan 1 dərəcəyədək isti, gündüz 7-12 dərəcə isti, dağlarda gecə 3-8 dərəcə şaxta, gündüz isə 5-10 dərəcə isti təşkil edəcək.
Havanın temperaturu iqlim norması daxilində, bəzi günlərdə isə normadan 1-2 dərəcə yüksək olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
