Sosial

Ana səhifə

Sosial

Azərbaycan Tibb Universiteti ilə Türkiyənin Giresun Universiteti arasında müqavilə imzalanıb - FOTO

Azərbaycan Tibb Universiteti ilə Türkiyənin Giresun Universiteti arasında müqavilə imzalanıb - <span style="color: red;">FOTO

23 sentyabr 2013 15:12 (UTC +04:00)

Bakı-APA. Azərbaycan Tibb Universitetində (ATU) Türkiyənin Giresun Universitetinin nümayəndə heyəti ilə görüş baş tutub. ATU-dan APA-ya verilən məlumata görə, görüş zamanı Giresun Universitetinin rektoru, professor Aygün Attar və ATU rektoru, akademik Əhliman Əmiraslanov arasında əməkdaşlıq haqqında müqavilə imzalanıb.

Görüşün əvvəlində akademik Əhliman Əmiraslanov qonaqlara ATU haqqında ətraflı məlumat verib: “Ölkənin ən nüfuzlu ali təhsil ocaqlarından biri olan Tibb Universiteti Azərbaycanın səhiyyə sahəsini peşəkar kadrlarla təmin edir. Hazırda universitetdə yüksək səviyyəli təhsil və tədris üçün hər cür şərait yaradılıb. Artıq ATU nəzdində 4 klinika fəaliyyət göstərir. Bu klinikalar ən son texnoloji avadanlıqlarla təchiz olunub. Burada dünya səviyyəsində gənc mütəxəssis hazırlığını həyata keçirmək üçün laboratoriyalar qurulub".

Professor Aygün Attar da öz növbəsində Giresun Universiteti ilə bağlı bilgiləri açıqlayıb. Rektor qeyd edib ki, Giresun Universiteti yeni olmasına baxmayaraq, sürətlə böyüyən və inkişaf edən bir ali təhsil məktəbidir: "Artıq universitetimizdə region ölkələrindən - Azərbaycan, Ukrayna, Gürcüstan və Rusiyadan tələbələr var. Biz Türkiyə-Azərbaycan münasibətlərini daha da yaxşılaşması üçün təhsil sahəsi də əlimizdən gələni edəcəyik".

Görüşün sonunda iki universitet arasında akademik və elmi iş birliyi haqqında müqavilənin təkmilləşdirilmiş variantı imzalanıb. Bu saziş iki universitet arasında əməkdaşlıq, qarşılıqlı rezidentura imkanlarının, ortaq elmi araşdırmaların reallaşdırılmasını nəzərdə tutur.

Qeyd edək ki, Giresun Universitetinin 20 nəfərdən ibarət nümayəndə heyəti arasında rektor köməkçisi professor Ahmet Ergin, kommunikasiya fakültəsinin dekanı professor Jale Sarmaşık, baş katib Bünyamin Kaya və digərləri iştirak ediblər.