Bakı. Könül Kamilqızı – APA. Bakı şəhəri üzrə Təhsil İdarəsi (BŞTİ) 2012-ci ilə yekun vurub. İdarədən APA-ya verilən xəbərə görə, idarədə 2011-2012-ci tədris ilində ali məktəblərə tələbə qəbulunun nəticələri müzakirə edilib. Qeyd olunub ki, son iki ildə qəbul faizi artaraq 45 faizdən 47,13 faizə yüksəlib. Paytaxt məktəblərinin orta balı isə 2011-2012-ci tədris ilində 254 olub. Sənəd verən məzunların sayında da artım qeydə alınıb. İmtahanda 500 - 700 intervalında bal toplayan paytaxt məzunlarının sayı isə 1889 nəfər təşkil edib. Bu da 2006-cı illə müqayisədə 8 faizə qədər artım deməkdir.
2012 – 2013-cü tədris ilində Bakı şəhərindəki ümumi təhsil məktəblərinin I sinfinə 33000-ə yaxın şagirdin qəbulu gözlənilirdi ki, bu da əvvəlki illərlə müqayisədə çox olub. Ancaq çox keçmədən Bakıda “birincilər”in sayında rekord artım qeydə alınıb. Daha 3000 şagird I sinfə qəbul olunub və beləliklə “birincilər”in sayı 36 minə yüksəlib. Bu isə 2000 - ci ildən bəri Bakı şəhərinin orta məktəblərində I sinfə gedən şagirdlərin sayında müşahidə olunan azalmanın tam əksi olan bir prosesin başlandığını göstərib.
Məlumata görə, hazırda BŞTİ-nin tabeçiliyində 316 orta, 3 əsas, 5 yardımçı, 1 evdə təhsil, 5 cəzaçəkmə müəssisəsində axşam məktəbi var. Bu məktəblərdə 311 min 695 nəfər şagirdin təlim-tərbiyəsi ilə 29870 nəfər müəllim məşğul olur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
