Bunu APA-ya açıqlamasında Kənd Təsərrüfatı Nazirliyi yanında Dövlət Baytarlıq Xidmətinin mətbuat xidmətinin rəhbəri Yolçu Xanvəli deyib. O bildirib ki, ölkədə mövcud olan 7 minə yaxın donuzun hamısı qapalı şəraitdə saxlanılır və onların hər biri tam nəzarət altındadır. Y.Xanvəlinin sözlərinə görə, bu gün donuzlar arasında heç bir xəstəlik aşkar olunmayıb: “Bütün epizootik tədbirlər vaxtı-vaxtında edilib. Bir sözlə, donuzlar arasında epizootik vəziyyət sabitdir”.
DBX-nın sözçüsü əlavə edib ki, bu xəstəlik tək donuzlar arasında yox, həm də insanlar arasında yayılan xəstəlik olduğundan insandan-insana, eləcə də heyvandan insana keçə bilər: “Bununla əlaqədar olaraq, müvafiq səhiyyə qurumları tərəfindən nəzarət edilməli, sərhəddən, gömrükdən keçən insanlar yoxlanılmalıdır. Amma heyvan və heyvan mənşəli məhsullar daima bizim nəzarətimiz altındadır. Ölkəyə gətirilən bütün məhsullar da epizootik vəziyyət sabit olan ölkələrdən gətirilir. Problem olan heç bir ölkədən hansısa məhsul gətirilmir və prosesə tam nəzarət edilir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
