Bakı. Kəmalə Quliyeva – APA. Azərbaycan Respublikasının Prezidenti yanında Elmin İnkişafı Fondu 1-ci Azərbaycan-Belarus beynəlxalq qrant müsabiqəsini elan edib.
Fondun icraçı direksiyasından APA-ya verilən məlumata görə, müsabiqə Azәrbaycan vә Belarus alimlәrindәn ibarәt müvәqqәti yaradılmış yaradıcı kollektivlәrin birgә yerinә yetirilmәsi planlaşdırılan vә hәr iki tәrәf üçün aktual olan elmi istiqamәtlәr üzrә elmi-tәdqiqat layihәlәrini dәstәklәmәk, beynәlxalq elmi әmәkdaşlıq fәaliyyәtini stimullaşdırmaq vә müasir elmi problemlәrin hәlli üçün әlavә yaradıcılıq imkanı yaratmaq mәqsәdilә elan olunub.
Müsabiqə çərçivəsində Fizika-riyaziyyat vә texnika elmlәri və Humanitar vә ictimai elmlәr istiqamətləri üzrə fundamental-tәtbiqi xarakterli beynәlxalq layihәlәr orta maliyyə həcmli (10 000 - 100 000 manat) qrantlar vasitәsilә maliyyәlәşdiriləcək. Bu qrantlar yalnız Azәrbaycan vә Belarus alimlәrindәn tәşkil olunmuş kollektivlәrә veriləcək.
Elmi tәdqiqatların müasir tәlәblәrә cavab verәn maddi-texniki tәminatı (elmi cihazlar, qurğular, avadanlıqlar vә s. alınması) üzrә kiçik (10 000 manatadәk) vә orta (10 000 – 100 000 manat) maliyyə həcmli qrantlar isə yalnız Azәrbaycan alimlәri tәrәfindәn tәqdim olunan, Belarusdan әldә olunması planlaşdırılan maddi-texniki tәminatı nәzәrdә tutan vә gәlәcәkdә hәr iki ölkә alimlәri arasında layihәnin mövzusu üzrә әmәkdaşlığın davam etdirilmәsi perspektivlәri olan layihәlәrә veriləcək. Müsabiqә çәrçivәsindә qrant maliyyәlәşdirilmәsinin cәmi hәcmi 600000 manatdır.
Sәnәdlәrin qәbulu üçün nәzәrdә tutulmuş müddәt әrzindә qrant iddiaçılarına kömәk vә sualların cavablandırılması mәqsәdilә mәslәhәt seminarlarının keçirilmәsi nәzәrdә tutulub. Müsabiqәdә iştirak etmәk üçün sənədlər yanvarın 10-dan martın 1-dək qəbul olunacaq. Müsabiqənin nәticәlәri may ayında açıqlanacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
