Gəncə. Azər Məmmədli – APA. Gəncə şəhərinin orta məktəblərində müəllim çatışmazlığı var. Gəncə şəhər Təhsil İdarəsinin rəisi Zakir Hüseynovun APA-nın qərb bürosuna verdiyi məlumata görə, ötən illə müqayisədə bu il dəqiq elmləri tədris edən müəllimlərə tələbat bir qədər də artıb: «Gəncədə 27 vakant müəllim yeri var. Ən çox fizika fənni üzrə müəllim çatışmazlığı var ki, bu da həm Azərbaycan, həm də rus bölməsi üzrədir. Şəhərdə həmçinin riyaziyyat və informatika müəllimlərinə ehtiyac var».
Zakir Hüseynov, müəllim çatışmazlığı ilə bağlı Təhsil Nazirliyinə müraciət edildiyini deyib.
Hazırda isə Gəncənin orta məktəblərində ümumilikdə 4 min 623 nəfər müəllim çalışır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
