Göygöl. Azər Məmmədli-APA. Yazda Hacıkənddə meşə massivinin 40 hektar sahəsində yeni ağacların əkilməsi nəzərdə tutulur. Göygöl Meşə Mühafizəsi və Bərpası Müəssisəsinin direktor müavini Aslan Vəliyevin APA-nın Qərb bürosuna verdiyi məlumata görə, artıq 10 hektar ərazidə müxtəlif meşə, palıd fıstıq, ağcaqayın, cökə və qoz kimi ağacları əkilib. Yeni əkilən ağaclar tikanlı məftillərlə hasarlanaraq qorunur: “Hacıkənd meşəsində yeni əkilən ağaclar 20 hektarlıq hissələrə bölünərək çəpərlənib və hər bir hissəyə bir mühafizəçi təyin edilib”.
Qeyd edək ki, Hacıkənd meşə massivi 12 min hektardan ibarətdir. Meşənin 800 hektarı müxtəlif səbəblərdən məhv edilib. Son bir neçə ildə isə 100 hektar ərazidə bərpa işləri aparılıb. A.Vəliyev bildirib ki, müvafiq tədbirlər görüləcəyi təqdirdə, maksimum 2 ilə məhv edilən bütün meşəliyi bərpa etmək mümkün olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
