APA-nın Mil-Muğan bürosunun xəbərinə görə, gölə yüzlərlə flaminqo gəlib. Mütəxəssislər bildirir ki, gölün çirklənməsinə baxmayaraq orada hələ də flaminqoların yem ehtiyatı olan molyusklar, müxtəlif növ qurdlar, həşərat, cücü və sürfələr var.
Qeyd edək ki, Hacıqabul gölü Azərbaycanın potensial beynəlxalq əhəmiyyətli su-bataqlıq hövzəsi sahələrinə aid edilir.
Azərbaycanın ən böyük gölü olan Hacıqabul gölünün ekoloji tarazlığı pozulmamışdan əvvəl göldə 50-dən çox bataqlıq quşları növü olub. Bu quşlardan beşinin adı «Qırmızı kitab»a düşüb. Lakin göl quruduğundan və çirkləndiyindən quşlar üçün lazım olan yem ehtiyatı və yaşıllıqlar da məhv olub. Nəticədə gölün flora və faunası sıradan çıxıb.
Son zamanlar bəzi QHT-lər Hacıqabul gölünün ekoloji tarazlığını bərpa etmək üçün Ekologiya və Təbii Sərvətlər Nazirliyinə müraciətlər edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
