Bakı. Könül Kamilqızı – APA. Təhsil Nazirliyi tərəfindən “1 şagird : 1 kompüter” müsabiqəsinə start verilir. Təhsil Nazirliyindən APA-ya verilən xəbərə görə, müsabiqə Təhsil nazirliyinə tabeli orta ümumtəhsil məktəblərinin rəhbərləri və məktəblərin II-VI siniflərində tədris edən müəllimləri üçün nəzərdə tutulub. Müsabiqə nəticəsində məktəblərə noutbuklar yalnız müsabiqə nəticəsində veriləcək. Müsabiqə təhsil naziri Misir Mərdanovun əmrinə əsasən, İKT əsaslı fərdiləşmiş təhsilin formalaşdırılması məqsədilə təşkil olunur.
Müsabiqə nəticəsində qaliblərə tədris etdiyi sinifdə tədris alan şagirdlərin sayı qədərində netbuklar veriləcək, sinif otağı noutbuk, proyektor və elektron lövhə ilə təchiz ediləcək.
Qeyd edək ki, müsabiqə 2 mərhələdə həyata keçirilir. 1-ci mərhələdə təqdim edilən layihənin ekspertizası aparılır. 2-ci ekspertizadan keçən layihələrin iştirakçılar tərəfindən Ekspert komissiyası qarşısında təqdimatı keçirilir və Ekspert Komissiyası tərəfindən qiymətləndirilir. Təqdim edilən işlər 10 bal sistemi ilə qiymətləndirilir. Ekspert Komissiyasının üzvləri bir sıra prinsiplər əsasında qiymətləndirməni həyata keçirirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
