Bakı. Könül Kamilqızı - APA. Səhiyyə Nazirliyi 2015-ci ildə Bakı şəhərində keçiriləcək I Avropa Oyunları ilə əlaqədar tibb işçilərini əməkdaşlığa dəvət edir.
Nazirliyin mətbuat xidmətindən APA-ya verilən xəbərə görə, 2015-ci ildə Bakı şəhərində keçiriləcək I Avropa Oyunları ilə əlaqədar olaraq iştirakçılara və xarici qonaqlara keyfiyyətli tibbi xidmətlərin göstərilməsini təmin etmək məqsədilə tibb işçiləri tələb olunur.
Tədbirlər keçiriləcək stadionlarda tibbi komandanın rəhbəri, ümumi praktika həkimi, tibb bacısı, həkim- stomatoloq, stomatoloji kabinetində tibb bacısı, həkim-oftalmoloq, oftalmoloji kabinetdə tibb bacısı, həkim-otorinolarinqoloq, şüa diaqnostikası üzrə həkim, şüa diaqnostikası kabinetində tibb bacısı, həkim-laborant, laborant, həkim-oftalmoloq, həkim-reanimatoloq, təcili tibbi yardım üzrə tibb bacısı vəzifələrində işləmək istəyənlər nazirliyə müraciət edə bilərlər.
Maraqlananlar öz tərcümeyi-hallarını (CV) "Mövzu" yerinə iddia edilən vəzifəni qeyd etməklə [email protected] elektron poçt ünvanına göndərsinlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
