Bakı. Könül Kamilqızı – APA. Tələbə Qəbulu üzrə Dövlət Komissiyasının sədri Məleykə Abbaszadə Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan 1 saylı Bakı “ASAN Xidmət” mərkəzinin fəaliyyəti ilə tanış olub. “ASAN Xidmət”dən APA-ya verilən xəbərə görə, agentliyin rəhbəri İnam Kərimov 1 saylı Bakı “ASAN Xidmət” mərkəzinin yaradılması, məqsədləri, həyata keçirdiyi xidmət növləri və gələcək planlara dair geniş məlumat verib. O bildirib ki, “ASAN Xidmət” mərkəzinin fəaliyyətinin məqsədi dövlət orqanlarının hüquqi xidmətlərinin göstərilməsində vətəndaşların rahatlığının, şəffaflığın təmin edilməsi, korrupsiya hallarının istisna edilməsi, müasir texnologiyaların, “vahid pəncərə” prinsipinin tətbiq edilməsi, dövlət qulluqçusu-vətəndaş münasibətlərində yeni düşüncə tərzinin - “dövlət qulluqçusunun vəzifəsi vətəndaşın hüququnu təmin etməkdir” yanaşmasının formalaşdırılmasıdır.
TQDK sədri Məleykə Abbaszadə yeni yaradılan mərkəzdə görülən işləri və fəaliyyəti yüksək qiymətləndirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
