Ucar. Zahid Abışov - APA. Ucar rayonuna suyun verilişində fasilə yaranıb.
APA-nın yerli bürosunun sakinlərdən aldığı məlumata görə, 10 gündən artıqdır ki, rayonun bir neçə kəndinə suyun verilməsi dayandırılıb. Sakinlər kanallar vasitəsi ilə ötürülən sudan həm əkin sahələrini, həm mal-qaranı suvarmaq, həm də içməli su kimi istifadə etdiklərini deyirlər. Yaranmış vəziyyət sakinlərin narazılığına səbəb olub.
Ucar Suvarma Sistemləri İdarəsinin müdiri Həsən Qasımov APA-nin yerli bürosuna bildirib ki, ötən ayın 24-dən Ucar rayonunun 9, Göyçay rayonunun isə 7 kəndinə suyun ötürülməsi dayandırılıb. Buna səbəb isə Bakı-Qazax yolunun Ucar rayonundan keçən hissəsində körpüdə tikinti işlərinin aparılmasıdır. H. Qasımov qeyd edib ki, mart ayının 19-20-nə kimi tikinti işlərinin yekunlaşması və bundan sonra sakinlərin fasiləsiz su ilə təmin olunması planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
