Bakı. Kəmalə Quliyeva – APA. Azərbaycan Respublikası Prezidenti yanında Dövlət Qulluğu Məsələləri üzrə Komissiya 7, 14, 17 avqust, 6 sentyabr, 5 və 24 oktyabr 2012-ci il tarixlərdə 101 dövlət 1241 vakant dövlət qulluğu vəzifəsinin tutulması üçün elan edilən müsabiqənin müsahibə mərhələsi ilə bağlı məlumat yayıb. Komissiyanın mətbuat xidmətindən APA-ya verilən xəbərə görə, müsabiqədə iştirak etmək üçün Komissiyada 2465-i qadın namizəd olmaqla 7593 namizəd qeydə alınıb. Qeydə alınmış 7593 namizədin 81 faizini gənclər təşkil edib. Namizədlərdən 2634 nəfəri test imtahanında iştirak etməyib.
Test imtahanı mərhələsində iştirak edən namizədlərdən 540-ı qadın namizəd olmaqla 1774 nəfəri müsabiqənin ilk mərhələsini uğurla başa vurub.
Müsabiqənin müsahibə mərhələsi dekabrın 3-dən başlayıb. Bu günə kimi müsahibə mərhələsində iştirak etmək üçün qeydiyyatdan keçmiş namizədlərdən 98 nəfəri vakant vəzifəyə uyğun hesab edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
