Xaçmaz. Vəli Turan - APA. Bu gün Xaçmaz rayonunda Qarabağ müharibəsi əlilləri və şəhid ailələri üçün inşa olunan yaşayış binasının açılışı mərasimi keçirilib.
APA-nın şimal bürosunun verdiyi məlumata görə, 4 mərtəbəli yaşayış binası 36 mənzildən ibarətdir. İki otaqlı mənzillər müasir istilik sistemləri və məişət avadanlıqları ilə təmin edilib.
Mərasimdə Qarabağ müharibəsi əlili və şəhid ailələrinə 11 ədəd “NAZ-Lifan” markalı avtomobil də təqdim edilib. Tədbirdə əmək və əhalinin sosial müdafiəsi naziri Füzuli Ələkbərov, Xaçmaz RİH-nin başçısı Şəmsəddin Xanbabayev də iştirak edib.
Ümumilikdə Xaçmaz rayonunda 193 nəfər Qarabağ müharibəsi əlili, 224 nəfər isə şəhid ailəsi var. İndiyədək onların 71-i evlə, 33-ü isə avtomobillə təmin edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
